Menu
Waníyetu čháŋna tȟabúŋškatapi. Waŋná wóali yámni él waúŋyáwapi na waníyetu óta tȟabúŋškatapi. Waníyetu čháŋna okó iyóhila uŋkíiglutȟapi. Tȟápa uŋkhútepi uŋspéuŋkič’ičhiyapi! Lé líla oéčhuŋ šíče!
Okóihaŋke čhaŋ tȟabškátapi akíčhiyapi uŋyúhapi. Okȟólauŋyaŋpi kiŋ yuphíya kapšipsiče. Toháŋl tȟápa k’uŋ hiyúmakhiye kiŋháŋ wakhúte kte!
Líla oȟ’áŋkȟoya uŋk’íyaŋkapi na uŋkápsipsičapi. Óta hípi na wičhúŋpatitaŋpi čha kitáŋla nihíŋuŋkičiyapi. Tȟabškátapi itȟáŋčhaŋ kiŋ taŋyáŋ uŋspéuŋkhiyapi čha taŋyáŋ uŋkúŋspepi.
Líla tȟabškáta awášteuŋlakapi. Hokšíla kiŋ lé khúte na oíȟpeye šni háŋtaŋš miyé na okȟólauŋyaŋpi tȟápa k’uŋ uŋkíčupi kta héčha.
Maȟpíya Lúta oškáte thípi ektá uŋkíiglutȟapi. Táku óta uŋspéuŋkič’ičhiyapi. Leháŋl khutépi uŋmáspe. Oíȟpewaye s’a!
Okó iyóhila táku óta uŋspéuŋkič’ičhiyapi. Táku ečhúŋk’upi kiŋ kitáŋla othéȟike éyaš líla waúŋčhiŋpi.
Wikȟóškalaka na kȟoškálaka kiŋ tȟabškátapi na wóyuonihaŋ glutȟáŋiŋpi čha uŋkíš-eyápi héčhuŋk’uŋpi. Tȟabškáta itȟáŋčhaŋ taŋyáŋ anáwičhuŋǧoptaŋpi.
Toháŋl tȟabúŋškatapi líla waúŋtukȟapi éyaš oíyokiphi uŋyúhapi. Toháŋl kȟoúŋškalakapi na wiúŋkȟoškalakapi kiŋháŋ yuphíya tȟabúŋškatapi kte.
Eháŋni wakȟáŋyeža óta wayáwa yewíčhayapi. Wakȟáŋheža k’uŋ óta líla čhaŋtéšičapi na Lakȟól-wičhóȟ’aŋ úŋpi okíhipi šni kéya wasúwičhakhiyapi.
Owáyawa kiŋ hená ektá wakȟányeža k’uŋ tóna khúžapi. Óta t’ápi. Éyaš tóna niíč’iyapi na leháŋl wakȟányeža k’uŋ wičháȟčala na winíúȟčala héčhapi.
Leháŋl Lakȟól-wičhóȟ’aŋ uŋk’úŋpi uŋkókihipi na Lakȟótiya wóuŋglakapi uŋkókihipi.
Ógle Zíša Aŋpétu čháŋna zíša uŋkígluzapi na wakȟányeža k’uŋ wičhúŋkiksuyapi na wičhúŋyuonihaŋpi.
Lé waníyetu kiŋ wakȟáŋheža óta iyéwichayapi na waŋná isáŋm owíčhalepi.
Leháŋl Lakȟól-wičhóuŋ uŋspéuŋkičh’ičhiyapi uŋkókihipi. Aŋpétu iyóhila wakȟányeža k’uŋ wičhúŋgluonihaŋpi kta héčha.
