January 1, 1863 un hehan, Abraham Lincoln Emancipation Proclamation eyapi ki yusuta. He woopxe ki un hasapa wayaka ki hena iyuha Milahanska Txamakxoche el wichayushkapi. Eyash itokagatakiya wichayushkapi shni na echel Milahanska akichita ki waziyatanhan iyayapi na, itokagata ipi na, hasapa wayaka ki hena wichayushkapi. Eyash hasapa wayaka ota Texas ekta thipi nahan Milahanska akichita ki txehan ipi shni. Hechi hasapa oyate ki nahanxci wichakashkapi. Eyash hankeyash Milahanska akichita ki ipi yunkxan, June 19, 1865 un hehan, akichita itxanchan wan Gordon Granger eciyapi cha Emancipation Proclamation eyapi ki ahopxapi kta hecha keye. Woopxe ogna skanpi kta keye. Hechel Texas ekta hasapa wayaka ki wichayushkapi.

Ohakab hasapa oyate ota anpetu ki he kiksuyapi. 1860s un hehan, hasapa wayaka ki wichayushkapi ki hehann, wowapi iyoxpeyapi kta chinpi eyash, tokhel wowapi iyoxpeyapi kta heci slolyapi shni. Oyate ota yawapi okihipi shni. Ho cha Juneteenth un hehan unspewichakhiyapi. Eyash itokagata Jim Crow woopxe eyapi ki hena kagapi cha, hasapa oyate ota wowapi iyoxpeyapi okihipi shni nahan, tuktehan Juneteenth iwoglakapi shni. Hankeyash, 1960s un hehan, Jim Crow woopxe ki hena wichakiyujujupi yunkxan, hasapa oyate ki Juneteenth lila iwoglakape lo. 2021 un hehan, Milahanska txunkashilayapi txomniciye ki woopxe wan yusutapi na wana Juneteenth woshkate anpetu hecha. Juneteenth chanshna oyate ota wowashi echunpi shni.

Tokhel anpetu ki le kiksuyapi hwo? Tuktektel wolkichiyapi nainsh, olowan ahiyayapi nainsh, wokichiglag yankapi. Chanku ki ekta takuku hechekchel echunpi s’a. Texas ekta tanyan kiksuyapi ichun, June 19, 1865 un hehan hasapa wayaka ki hechiya wichayushkapi.

Txehan hasapa oyate ota Texas etan iyayapi chanke wana Milahanska Txamakxoche owancaya Juneteenth kiksuyape lo. He un wowapi ki le unyuotxaninpi. He anpetu ki, Juneteenth yeksuya hwo? Tuktel yathi ki ekta, Juneteenth kiksuyapi na iwoglakapi hwo?